१.
घट्ट तुज कवटाळुनी, नित्य तो आलिंगितो
खास अमुचा हक्क तो, पदर तव बळकावितो
मांडिली तकरार मी, तुजपुढे अगणितदा
हाय! तू अन्याय केला, मजवरी प्रत्येकदा
२.
केस कुरळे भुरभुरे. अजवरि सांभाळले
आज ‘डयूटी’ वाढली, पदरास त्या सांभाळणे
३.
बागेत या येऊनही, गुलाब नाही श्वासिले
पुष्पाळ या बागेमधी, निश्वास केवळ श्वासिले
४.
वीणेतल्या ज्यांच्या कधी, ताराच ना झंकारल्या
वीणेतल्या त्यांच्या अशा, नुसत्याच तारा राहिल्या
५.
डोळ्यास नाही भेटले, ओठास नाही भेटले
नाहीच कोणी भेटले, कोणास कोणी भेटले
कोणत्याही टिप्पण्‍या नाहीत:
टिप्पणी पोस्ट करा